ថ្ងៃចន្ទ ទី១៦ ខែតុលា ឆ្នាំ២០១៧ ម៉ោង ១៧:២២ (16-10-2017 17:22)
រាជធានីភ្នំពេញ ៖ ស្ត្រីជាជនសង្ស័យជួញដូរគ្រឿងញៀន២នាក់ត្រូវបានកម្លាំងនគរបាលខណ្ឌឬស្សីកែវសហការណ៍ជាមួយនគរបាលប៉ុស្តិ៍ស្វាយប៉ាកឃា់ត់ខ្លួនកាលពីវេលាម៉ោង៧យប់ថ្ងៃទី១៥ ខែតុលា ឆ្នាំ២០១៧ នៅចំណុចផ្ទះលេខ២៧៣ ផ្លូវបេតុង ក្រុម៧ ភូមិលូ សង្កាត់ស្វាយប៉ាក ខណៈដែលធ្វើសកម្មភាពចែកចាយគ្រឿងញៀន ។
នៅក្នុងការបង្ក្រាបគ្រឿងញៀនសមត្ថកិច្ចដកហូតបានថ្នាំញៀនប្រភេទក្រាមពណ៌សថ្លាចំនួន៤កញ្ចប់ក្នុងនោះធំចំនួន១កញ្ចប់ ថង់សំរាប់ច្រកគ្រឿងញៀនមួយចំនួន ប្រាក់ចំនួន៥០ម៉ឺនរៀល និង៤០ដុល្លារ ។ ជនសង្ស័យដែលត្រូវឃាត់ខ្លួន ទី១-ឈ្មោះ ហេង បុប្ផា ភេទស្រី អាយុ៥៦ឆ្នាំ មានទីលំនៅស្នាក់នៅផ្ទះ២៧៣ ក្រុម៧ ភូមិលូ សង្កាត់ស្វាយប៉ាក មុខរបរលក់អីវ៉ាន់ចាប់ហួយ(ជួញដូរ) និងទី២-ឈ្មោះ សៀង សុខជា ភេទស្រី អាយុ៣០ឆ្នាំ មុខរបរលក់ដូរ(ជួញដូរ) ។
តាមមន្ត្រីនគរបាលបានឱ្យដឹងថា ជនសង្ស័យទាំង២នាក់ជាមុខសញ្ញាជួញដូរគ្រឿងញៀនយ៉ាងសកម្មនៅក្នុងមូលដ្ឋាន ដោយមានការស្រាវជ្រាវពីកម្លាំងនគរបាលសមត្ថកិច្ច ក៏ឈានទៅឆែកឆេរផ្ទះបង្ក្រាបគ្រឿងញៀន ដោយឃាត់ខ្លួនបានជនសង្ស័យទាំង២នាក់កំពុងតែធ្វើសកម្មភាពចែកចាយគ្រឿងញៀនញៀនជាក់ស្តែង ។ ជនសង្ស័យរួមទាំងវត្ថុតាង សមត្ថកិច្ចបញ្ជូនទៅកាន់អធិការដ្ឋានខណ្ឌដើម្បីសាកសួរ និងចាត់ការតាមច្បាប់ ៕\
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/