ថ្ងៃអង្គារ ទី១៧ ខែតុលា ឆ្នាំ២០១៧ ម៉ោង ១៥:៣២ (17-10-2017 15:32)
ខេត្តកំពង់ស្ពឺ ៖ ក្រុមក្មេងស្ទាវដែលនិយមចូលចិត្តពពាក់ពពូនគ្នាមករាំនៅក្លិបឌីស្កូមួយឈ្មោះ«អេឡេកូ»ក្នុងក្រុងច្បារមន បានត្រូវសមត្ថកិច្ចឃាត់ខ្លួនជាច្រើននាក់ និងធ្វើតេស្តរកសាធាតុញៀន ។ ការចុះធ្វើរដ្ឋបាលចំហរកអ្នកមានផ្ទុកសាធាតុញៀនក្នុងក្លិបមួយនេះ ធ្វើឡើងកាលពីវេលាម៉ោង០០និង៣០នាទីថ្ងៃទី១៥ ខែតុលា ដោយនគរបាលក្រុងច្បារមន សហការជាមួយនគរបាលការិយាល័យប្រឆាំងគ្រឿងញៀន ដឹកនាំដោយលោកស្រី ប៉ោក សេដ្ឋាអភិបាលក្រុងច្បារមន។
ក្លិប«អេឡេកូ»នេះ ស្ថិតនៅក្នុងភូមិក្រាំពលទេព សង្កាត់រកាធំ ក្រុងច្បារមន ។ នគរបាលក្រុងច្បារមនឲ្យដឹងថា ក្រុមក្មេងស្ទាវដែលបានធ្វើតេស្តរកសារធាតុញៀនមានចំនួន១៧៨នាក់ (ស្រី៤៧នាក់) តែជាលទ្ធផលរកឃើញអ្នកមានផ្ទុកសារធាតុញៀនតែ១២នាក់(ស្រី១នាក់)ទេ។
អ្នកដែលមិនមានផ្ទុកសារធាតុញៀន ត្រូវបានធ្វើការអប់រំណែនាំពួកគេអំពីផលប៉ះពាល់ជាអវិជ្ជមានពីគ្រឿងញៀន ហើយអនុញ្ញាតឲ្យវិលទៅផ្ទះសម្បែងវិញ ។ ដោយឡែកអ្នកមានផ្ទុកសារធាតុញៀន ត្រូវបានកសាងសំណុំរឿងបញ្ជូនទៅការិយាល័យប្រឆាំងគ្រឿងញៀនខេត្ត ចាត់ការបន្តតាមនីតិវិធី ៕
Loading...
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/