ថ្ងៃអង្គារ ទី១៧ ខែតុលា ឆ្នាំ២០១៧ ម៉ោង ១៥:០៨ (17-10-2017 15:08)
ខេត្តមណ្ឌលគិរី ៖ លោក ប៊ុន សួ ប្រធានមន្ទីរសុខាភិបាលខេត្តមណ្ឌលគិរីបានថ្លែងថា អ្នកជំងឹគ្រុនចាញ់ចំនួន ២៧នាក់ ក្នុងនោះមានស្រីចំនួន៨នាក់ រួមនឹងអ្នកជំងឹទូទៅមាន៦៥នាក់ ស្រី២៩នាក់ ផ្តាសាយ គ្រុនក្តៅ រាក ក្អកជាដើម ។ សរុបទាំងអស់៩២នាក់ ត្រូវបានគ្រូពេទ្យស្រុកកោះញែក នឹងក្រុមគ្រូពេទ្យក្នុងខេត្តមណ្ឌលគិរី ព្យាបាលទាន់ពេលវេលា តាំងពីថ្ងៃទី១៦ តុលា ២០១៧ ក្រោយទទួលព័ត៌មានថា មានអ្នកភូមិកំពុងប្រឈមនឹងជំងឺឆ្លង ។
លោកបន្តថាទៀតថា ប្រជាពលរដ្ឋដែលបានកើតជំងឺទាំងនោះ គ្រូពេទ្យនឹងមន្ត្រីអាជ្ញាធរបានជួបផលវិបាកជាខ្លាំងដោយសារ ផ្លូវធ្វើដំណើរពីស្រុកកោះញែកឆ្ពោះទៅភូមិក្តោយ ឃុំរយ៉ នោះមានចម្ងាយផ្លូវ៧៨គីឡូ ម៉ែត្រពីទីរួមស្រុក នឹងមានចម្ងាយ ១៧០ គីឡូម៉ែត្រពីក្រុងសែនមនោរម្យ ហើយរដូវនេះជារដូវវស្សាផ្លូវចូលទៅកាន់ភូមិខាងលើមានស្ថានភាពលំបាកខ្លាំងស្ទើរមិនអាច ធ្វើដំណើរបាន ។ លោកបញ្ជាក់ថា ទោះក្រុមការងារ បានជួបប្រទះនូវបញ្ហា តាមផ្លូវធ្វើដំ ណើរយ៉ាងណា ក៏ក្រុមសង្គ្រោះអាច ធ្វើការងារបានយ៉ាងជោគជ័យ និងព្យាបាលដល់អ្នកជំងឺជិត១០០នាក់ឲ្យបានជាសះស្បើយ ព្រមទាំងបានបន្តការងារអប់រំដល់ប្រ ជាពលរដ្ឋក្នុងមូលដ្ឋានឲ្យបង្កើនការប្រុងប្រយ័ត្នក្នុងការរស់នៅប្រចាំថ្ងៃ ដើម្បីកាត់បន្ថយការកើតជំងឺនានា ព្រោះតំបន់នេះ ជាតំបន់ដាច់ពិបាកក្នុងការទៅព្យាបាលនៅតាមមន្ទីរពេទ្យ។
អាជ្ញាធរស្រុកកោះញែកបាឲ្យដឹងថា ភូមិក្តោយ ស្ថិតនៅក្នុងតំបន់សម្បូរព្រៃឈើក្រាស់ៗ និងជាតំបន់ដាច់ស្រយាលពីប្រជុំជនស្រុកកោះញែក ដោយមានប្រជាពលរដ្ឋរស់នៅសរុបចំនួន៦៦គ្រួសារ មនុស្សសរុបចំនួន២៦៦នាក់ស្រី១៣៦នាក់ ។ ក្នុងនាមជាអាជ្ញាធរមូលដ្ឋានសូមថ្លែងអំណរអរគុណ យ៉ាងជ្រាលជ្រៅដល់បុគ្គលិក RH KN , HC KN , ប៉ុស្តិ៍ភាពសុខក្ដោយ ដែលខំប្រឹងបម្រើការងារដើម្បីសុខភាព ជូនប្រជាជននៅ ភូមិដាច់ស្រយាល ៕
Loading...
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/