ថ្ងៃអង្គារ ទី១៧ ខែតុលា ឆ្នាំ២០១៧ ម៉ោង ១៥:៣៩ (17-10-2017 15:39)
រាជធានីភ្នំពេញ ៖ លោក សួន សេរីរដ្ឋា អតីតប្រធានគណបក្សអំណាចខ្មែរនៅរសៀលថ្ងៃទី១៧ ខែតុលា ឆ្នាំ២០១៧នេះ ត្រូវបានអនុរក្សពន្ធនាគារព្រៃស នាំមកទៅកាន់សាលាឧទ្ធរណ៍ ដើម្បីបើកសវនាការនៅសភាស៊ើបសួរ។ គេមិនទាន់ដឹងពីអង្គហេតុនៃការនាំខ្លួនជនជាប់ចោទចូលសវនាការរឿងអ្វីនៅឡើយទេ។
លោក សួន សេរីរដ្ឋា ត្រូវបានសាលាដំបូងរាជធានីភ្នំពេញ ផ្តន្ទាទោសដាក់ពន្ធនាគារ៥ឆ្នាំពីបទប្រមាថកម្លាំងយោធា និងធ្វើឲ្យយោធាមិនស្តាប់បង្គាប់។ ការផ្តន្ទាទោស បន្ទាប់ពីសមត្ថកិច្ចឃាត់ខ្លួនកាលពីថ្ងៃទី១៣ ខែសីហា ឆ្នាំ២០១៧ នៅខណ្ឌព្រែព្នៅ។
សវនាការដឹកនាំលោកប៉ាល់ សំអឿន និងលោកឃុត សុភាង ជាតំណាងមហាយ្យការ។ ជនជាប់ត្រូវបានសាលាដំបូងរាជធានីភ្នំពេញផ្តន្ទាទោសដាក់ពន្ធនាគារ៥ឆ្នាំ ពីបទប្រមាថកម្លាំងយោធា និងធ្វើឲ្យយោធាមិនស្តាប់បង្គាប់។ ការផ្តន្ទាទោសបន្ទាប់ពីសមត្ថកិច្ចឃាត់ខ្លួនកាលពីថ្ងៃទី១៤ ខែសីហា ឆ្នាំ២០១៧ នៅខណ្ឌព្រែព្នៅ។
គួររំលឹកថា លោក សួន សេរីរដ្ឋា អតីតប្រធានគណបក្សអំណាចខ្មែរ កាលពីវេលាម៉ោង១រសៀលថ្ងៃទី១៤ សីហា ត្រូវបានសមត្ថកិច្ចនគរបាលការិយាល័យព្រហ្មទណ្ឌរាជធានីភ្នំពេញ បញ្ជូនទៅតុលាការ ដើម្បីធ្វើការសាកសួរ នឹងចោទប្រកាន់ជាផ្លូវការ ទុកពេលឲ្យចៅក្រមសម្រេចឃុំខ្លួនដាក់ពន្ធនាគារជាបណ្តោះអាសន្ន ។
លោក សួន សេរីរដ្ឋា ត្រូវបានសមត្ថកិច្ចកសាងសំណុំរឿងចោទប្រកាន់ចំនួនបីបទល្មើស ១.បទញុះញង់កុំឲ្យយោធិនស្តាប់បង្គាប់តាមមាត្រា៤៧១ នៃក្រមព្រហ្មទណ្ឌ ២.បទធ្វើឲ្យខូចទឹកចិត្តកងទ័ព តាមមាត្រា៤៧២ នៃក្រមព្រហ្មទណ្ឌ និង៣.បទញុះញង់ឲ្យប្រព្រឹត្តបទឧក្រិដ្ឋជាអាទិ៍ តាមមាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ ។ មាត្រា៤៧១. សំដៅលើអំពើញុះញង់ដោយផ្ទាល់កុំឲ្យយោធិនស្តាប់បង្គាប់ ដើម្បីធ្វើឲ្យខូចខាតការការពារជាតិ ត្រូវផ្តន្ទាទោសដាក់ពន្ធនាគារកំណត់ពី២ឆ្នាំ ទៅ៥ឆ្នាំ និងពិន័យជាប្រាក់ចូលថវិការដ្ឋចំនួន៤លានរៀល ។
Loading...
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/