អាមេរិក៖ វាជារឿងដែលមិនគួរឲ្យជឿទាល់តែសោះ ក្រោយពេលបុរសសញ្ជាតិអាមេរិកម្នាក់ តាំងខ្លួនថាជាអ្នកបានធ្វើដំណើរត្រឡប់មកពីឆ្នាំ ២០៤៨ កំពុងព្រមានពិភពលោកឲ្យត្រៀមខ្លួនយ៉ាងប្រញាប់បំផុត ព្រោះមនុស្សក្រៅភពនឹងសម្រុកមកវាយលុកភពផែនដីនាឆ្នាំ២០១៨ ខាងមុខនេះឯង។
យោងតាមសារព័ត៌មានអង់គ្លេស Express បានបញ្ជាក់ថា បុរសម្នាក់នេះឈ្មោះ Bryant Johnson រស់នៅទីក្រុង Casper ភាគខាងលិចនៃសហរដ្ឋអាមេរិក។ Johnson បាននិយាយថាលោកពិតជាបានធ្វើដំណើរឆ្លងភព និងត្រឡប់មកពីឆ្នាំ២០៤៨ ប្រាកដមែន ហើយលោកមកនេះដើម្បីប្រកាសអាសន្ន ឲ្យប្រជាជននៅទីក្រុង Casper ទាំងអស់ ប្រញាប់ចាកចេញឲ្យបានរូតរះ ព្រោះមនុស្សក្រៅភពនឹងមកវាយលុកផែនដី។
លោក Johnson ពុំបានបញ្ជាក់ប្រាប់ពីពេលវេលាជាក់លាក់ ដែលមនុស្សក្រៅភពនឹងចេញមកវាយលុកនោះទេ តែលោកទទូចឲ្យមន្រ្តីប៉ូលិសប្រចាំតំបន់ មេត្តានាំលោកទៅជួបចៅហ្វាយក្រុង Casper ជាបន្ទាន់ ដើម្បីពិភាក្សារឿងជម្លៀសប្រជាជនឲ្យបានយ៉ាងឆាប់រហ័សបំផុត។
ទោះយ៉ាងណាក៏ដោយ គ្មាននរណាម្នាក់ជឿសម្តីផ្តេសផ្តាសរបស់លោកឡើយ ហើយ Johnson ត្រូវប៉ូលិសឃាត់ខ្លួន ដោយរកឃើញថាលោកបានពិសាគ្រឿងស្រវឹងហួសកម្រិត និងបង្កឲ្យមានភាពបាត់បង់សណ្តាប់ធ្នាប់ក្នុងសង្គម៕
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/