កូរ៉េខាងត្បូង៖ ជាទូទៅ ពេលនឹកឃើញដល់ប្រទេសកូរ៉េ គឺគ្រប់គ្នាតែងតែនឹកឃើញដល់ កន្លែងកែសម្ផស្ស អាហារឆ្ងាញ់ៗ កន្លែងកម្សាន្ត ក៏ដូចជានឹកឃើញដល់ តារាចម្រៀងKpop ប្រុសស្រីស្អាតៗ និងចង់ចូលរួមទស្សនាការប្រគុំតន្រ្តី របស់ពួកគេជាងដើម។
ដោយឡែក ក្នុងនោះក៏មានភ្ញៀវមួយចំនួនផ្សេងទៀត ក៏មានការចាប់អារម្មណ៍ទៅលើ កន្លែងដែលពេញនិយមមួយផ្សេងទៀតនៅកូរ៉េ និងជាកន្លែងដែលមនុស្សប្រុសភាគច្រើន ចូលចិត្តទៅ នោះគឺកន្លែងសូណា ឬអាចហៅបានថា ជាកន្លែងសូណាពិសេស ជាទីសោយសុខ របស់មនុស្សប្រុសស្រលាញ់ភេទដូចគ្នា។
កន្លែងសូណានៅកូរ៉េ ឬហៅថា «jjimjilbangs» គឺជាកន្លែងដែលល្បីល្បាញបំផុត សម្រាប់គេចចេញពីជីវិតប្រចាំថ្ងៃ ដោយចូលទៅក្នុងពិភពផ្សេងមួយទៀត គឺពិភពអាក្រាតកាយនៅក្នុងបន្ទប់ ដែលមានសីតុណ្ហភាពពីក្តៅទៅត្រជាក់។
ប៉ុន្តែ តើអ្នកដឹងទេថា កន្លែងសូណាពិសេសនៅកូរ៉េខាងត្បូង អាចផ្តល់ក្តីសុខ ឲ្យប្រុសស្រលាញ់ប្រុសដូចគ្នា បានយ៉ាងណាខ្លះ?
គួរឲ្យដឹងថា ប្រទេសដែលប្រកាន់ខ្ជាប់នូវសាសនា បានធ្វើឲ្យរិះគន់យ៉ាងចាស់ដៃ ទៅលើពពួកមនុស្សស្រលាញ់ភេទដូចគ្នា ប៉ុន្តែគំនិតមួយនេះ ក៏ត្រូវបានផ្លាស់ប្តូរដោយយុវវ័យជំនាន់ក្រោយ ហើយបច្ចុប្បន្ននេះក៏កំពុងតែ ទទួលបានការឲ្យតម្លៃ និងទទួលស្គាល់ចំពោះរឿងមួយនេះផងដែរ។
ដូចនេះហើយ វាជារឿងដ៏គួរឲ្យភ្ញាក់ផ្អើលមួយ ដែលបច្ចុប្បន្ននេះ នៅប្រទេសកូរ៉េខាងត្បូង សម្បូរទៅដោយ « Gay Saunas » កន្លែងសូណា សម្រាប់ប្រុសស្រលាញ់ប្រុសដូចគ្នា។
ជាក់ស្តែង បើតាមការរៀបរាប់របស់អ្នកដែលធ្លាប់ចូលទីនោះ ពួកគេបាននិយាយថា កន្លែងសូណានោះ គឺវាមានភាពខុសប្លែកពីកន្លែងសូណាដទៃទៀត ដោយនៅក្នុងបន្ទប់គឺមានសភាពងងឹតជាងបន្ទប់សូណាទៅទូទៅ ពិបាកមើលគ្នា ទាល់តែបញ្ចាំងភ្លើងពីទូរស័ព្ទ។
បន្ថែមពីនេះ ទៅក្នុងបន្ទប់សូណានោះ ក៏មានជាពូកផងដែរ ប៉ុន្តែបែងចែកជាពីរ គឺបន្ទប់រួម និងបន្ទប់ឯកជន ប្រុសស្រលាញ់ភេទដូចគ្នាអាចជ្រើសរើសបន្ទប់បានតាមចិត្តផងដែរ»៕
Loading...
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/