អាចុយម្រាយ ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ LDP បានលើកឡើងថា លោកប្រហែលលែងឈរឈ្មោះក្នុងការបោះឆ្នោតឆ្នាំក្រោយទៀតហើយ។ ការលើកឡើងនេះ ធ្វើឡើងនៅក្នុងវេទិកាជួបជុំសមាជិកនិងអ្នកគាំទ្រគណបក្សសម្ព័ន្ធដើម្បីប្រជាធិបតេយ្យ នាទីក្រុងភូសាន ប្រទេសកូរ៉េខាងត្បូង នៅថ្ងៃទី៤តុលាកន្លងទៅ។
នៅចំពោះមុខអ្នកគាំទ្រជាង៧០០នាក់ លោកខឹម វាសនា បានគូសបញ្ជាក់ថា លោកកំពុងរៀនអង់គ្លេស ហើយចង់បន្តស្នាក់នៅក្រៅប្រទេស ដើម្បីតស៊ូមតិលើឆាកអន្ដរជាតិ និងសរសេរសៀវភៅសម្រាប់បោះពុម្ពលក់។ ចំណែក គណបក្ស LDP លោក ខឹម វាសនា អះអាងថា នឹងត្រូវឋិតក្រោមការដឹកនាំរបស់អ្នកជំនាន់ក្រោយរបស់លោក ដែលសុទ្ធសឹងតែជាយុវជន។
សូមជម្រាបជូនថា លោក ខឹម វាសនា បានចាកចេញពីប្រទេសកម្ពុជាជាង៣ខែមកហើយ ដើម្បីបំពេញបេសកកម្មនៅក្រៅប្រទេស រាប់ចាប់តាំងពីប្រទេសថៃក្បែរខាង ទៅដល់ប្រទេសកូរ៉េខាងត្បូង។ បច្ចុប្បន្ន ប្រធានបក្ស LDP រូបនេះ កំពុងរងបណ្ដឹងតាមផ្លូវតុលាការរបស់លោក សុច សឿង អតីតចាងហ្វាងកាសែតផ្កាយព្រឹក។ លោច សុច សឿង បានចោទលោក ខឹម វាសនា ថា បានជេរប្រមាថ មើលងាយពូជសាសន៍ខ្មែរ៕
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/