មន្ត្រីសង្គមស៊ីវិលសង្ឃឹមថា លោក
កឹម សុខា ប្រធានគណបក្សសង្គ្រោះជាតិ និងសកម្មជនបក្សមួយចំនួនទៀត
អាចនឹងត្រូវបាន ដោះលែង រួចពីការឃុំឃាំង
ក្នុងឱកាសប្រារព្ធពិធីបុណ្យអុំទូក នៅសប្ដាហ៍ក្រោយ។
ការលើកឡើងនេះ ដោយសារលោក ហុង
សុខហួរ អតីតសមាជិកព្រឹទ្ធសភារបស់គណបក្សសម រង្ស៊ី
ត្រូវបានដោះលែងពីពន្ធនាគារកាលពីថ្ងៃទី២៥ តុលា។ អ្នកស្រី ធីតា ឃិះ
នាយិកាប្រតិបត្តិនៃអង្គការសីលា សង្ឃឹមថា ការដោះលែងនេះ
ជាសញ្ញាល្អសម្រាប់ការដោះស្រាយវិបត្តិនយោបាយបច្ចុប្បន្ន។
រដ្ឋមន្ត្រីក្រសួងយុត្តិធម៌ លោក អង្គ
វង្សវឌ្ឍានា នៅថ្ងៃទី២៦ ខែតុលា ពិភាក្សាជាមួយស្ថាប័នពាក់ព័ន្ធ
អំពីការស្នើបន្ធូរបន្ថយ និងលើកលែងទោស ដល់ទណ្ឌិតសម្រាប់ឱកាសបុណ្យអុំទូក
អកអំបុក និងសំពះព្រះខែ ឆ្នាំ២០១៧នេះ។ ក្នុងកិច្ចពិភាក្សានោះ
នឹងមានការចូលរួមរបស់ប្រធានគណៈកម្មការថ្នាក់ជាតិ
ពិនិត្យបញ្ជីស្នើសុំបន្ធូរបន្ថយ និងលើកលែងទោស គណៈកម្មការក្រសួងមហាផ្ទៃ
ចំនួន៤មណ្ឌលអប់រំកែប្រែ និងគណៈកម្មការរាជធានីខេត្ត ចំនួន ១៩ពន្ធនាគារ។
រៀងរាល់ឆ្នាំ លោកនាយករដ្ឋមន្ត្រី
ហ៊ុន សែន ស្នើទៅព្រះមហាក្សត្រ ដើម្បីលើកលែងទោស និងបន្ធូរបន្ថយទោស ទណ្ឌិត
៣ដង ក្នុងមួយឆ្នាំ រួមមាន ក្នុងឱកាសពិធីបុណ្យចូលឆ្នាំថ្មី បុណ្យអុំទូក
និងបុណ្យវិសាខបូជា៕
ប្រជាពលរដ្ឋខ្មែរនៅប្រទេសបារាំងបានជួបសំណេះសំណាលជាមួយលោកកឹម សុខា
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Loading...
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/