(ភ្នំពេញ)៖ លោក ហ៊ុន សែន បានហៅការធ្វើបាតុកម្មរបស់គណបក្សសង្រ្គោះជាតិ ក្រោយការបោះឆ្នោតឆ្នាំ២០១៣ គឺជារូបភាពនៃការធ្វើចលនាបះបោរបដិវត្តន៍យ៉ាងពិតប្រាកដ ដោយលោក បានលើកហេតុផលថា ប្រសិនបើត្រឹមគោលបំណងទាមទារប្រាក់ឈ្នួលជូនកម្មករ និងលក្ខខណ្ឌការងារនោះ គ្មានហេតុផលនាំបាតុករធ្វើបាតុកម្មម៉ោង ២រំលងអាធ្រាត្រ ហើយយកនំប៉័ងទៅចែកដើម្បីទទួលទាននោះទេ។
ការប្រកាសបែបនេះ ត្រូវបានធ្វើឡើងនៅព្រឹកថ្ងៃទី២៥ ខែតុលា ឆ្នាំ២០១៧នេះ ក្នុងឱកាសសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានបន្តជួបសំណេះសំណាលជាមួយកម្មករ កម្មការិនីសរុប ១៤,៦១៤នាក់មកពីរោងចក្រចំនួន១០ នៅតំបន់ទួលសង្កែ ខណ្ឌប្ញស្សីកែវ។
លោក ហ៊ុនសែន ថា «កន្លងទៅនេះគេចង់ប្រើប្រាស់បាតដៃកម្មករ ដើម្បីបង្កើតហិង្សានៅផ្លូវវែងស្រេង មើលទៅ មើលឡើងវិញ ហើយប្រៀបធៀបជាមួយប្រទេសនានាដែលបានកើតសភាការណ៍នេះឥលូវចោទជាសំនួរមើល ប្រសិនបើគ្រាន់តែទាមទារតម្លើងបៀវត្ស៍ គ្រាន់តែទាមទារលក្ខខណ្ឌការងារតើមានការចាំបាច់ ធ្វើបាតុកម្មនៅម៉ោង២ភ្លឺទេ ប្រមូលផ្ដុំគ្នាធ្វើបាតុកម្មម៉ោង២ភ្លឺ ហើយយកនំប៉័ងទៅចែកឲ្យស៊ី ដើម្បីឲ្យមានកម្លាំង»។
លោក ហ៊ុនសែន បានបញ្ជាក់ថា ព្រោះគ្មានអ្នកណាគេឲ្យយើងមកផ្ដូលគេលេងលេងទេ ច្បាស់ណាស់គឺនឹងមានការវៃបក ហើយខ្លួនគេអាចនឹងស្លាប់នៅពេលនោះហើយ ព្រោះធម្មតាគេដាក់ហើយ ប៉ុន្ដែចេះខ្លាចចេះរត់ដែរ៕
Loading...
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/