ក្រសួងមហាផ្ទៃ នៅថ្ងៃទី ១៣ តុលានេះ បានបើកកិច្ចប្រជុំ ស្តីពី វិធានការរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ដើម្បីទប់ស្កាត់ចលនាផ្តួលរំលំរដ្ឋាភិបាលស្របច្បាប់នៅកម្ពុជា។ នេះគឺជាកិច្ចប្រជុំលើកទី១ ដែលមានលក្ខណៈទ្រង់ទ្រាយធំ បន្ទាប់ពីអាជ្ញាធរបានចាប់ខ្លួនប្រធានគណបក្សប្រឆាំងលោក កឹម សុខា ដែលបានចោទប្រកាន់ថា បានឃុបឃិតជាមួយបរទេស ដើម្បីផ្តួលរំលំរដ្ឋាភិបាល។
នៅក្នុងកិច្ចប្រជុំនេះ លោកឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ ដែលបានហៅការតវ៉ារបស់គណបក្សសង្រ្គោះជាតិនាពេលកន្លងមកថា ជាការប៉ុនប៉ងធ្វើបដិវត្តន៍ពណ៌ដើម្បីផ្តួលរំលំរដ្ឋាភិបាលមិនបានសម្រេចនោះ បានក្រើនរំលឹកទៅដល់អគ្គស្នងការ និងអភិបាលខេត្តមកពីទូទាំងប្រទេស ឲ្យប្រុងប្រយ័ត្នខ្ពស់ចំពោះចលនាផ្តួលរំលំរដ្ឋាភិបាលកម្ពុជា។
នៅក្នុងកិច្ចប្រជុំបិទទ្វារដែលធ្វើឡើងនៅឯក្រសួងមហាផ្ទៃនេះ លោកឧបនាយករដ្ឋមន្រ្តី ស ខេង ក៏បានណែនាំឲ្យមន្រ្តីនៅក្រោមឱវាទរបស់ខ្លួនទាំងអស់ ពន្យល់ប្រាប់ទៅដល់ប្រជាពលរដ្ឋ អំពីវិធានការដែលអាជ្ញាធរបានធ្វើនាពេលកន្លងមក ពិសេសទាក់ទងនឹងការចាប់ខ្លួន ប្រធានគណបក្សសង្រ្គោះជាតិ លោក កឹម សុខា។ បើតាមលោក ស ខេង ដែលបានថ្លែងនៅក្នុងកិច្ចប្រជុំនេះ បានចាត់ទុកការចាប់ខ្លួនលោក កឹម សុខា ថា គឺជាការអនុវត្តច្បាប់ទៅលើលោក កឹម សុខា ហើយអាជ្ញាធរមិនមានបំណងរំលាយគណបក្សសង្រ្គោះជាតិនោះទេ។ នេះបើតាមការបញ្ជាក់ពីលោក ខៀវ សុភ័គ អ្នកនាំពាក្យក្រសួងមហាផ្ទៃ។
គួរជំរាបជូនថា នេះគឺជាកិច្ចប្រជុំលើកទីមួយហើយ ដែលមានលក្ខណៈទ្រង់ទ្រាយធំដោយមានអ្នកចូលរួមពីអ្នកពាក់ព័ន្ធជាង៣០០នាក់ ដែលភាគច្រើនគឺជាស្នងការនគរបាលរាជធានី-ខេត្ត អភិបាលខេត្តនៅទូទាំងប្រទេស រួមទាំងមន្ត្រីអគ្គនាយកដ្ឋានជំនាញជាច្រើនទៀត បន្ទាប់ពីការចាប់ខ្លួនប្រធានគណបក្សប្រឆាំងលោក កឹម សុខា មក។
គួរជំរាបជូនថា នេះគឺជាកិច្ចប្រជុំលើកទីមួយហើយ ដែលមានលក្ខណៈទ្រង់ទ្រាយធំដោយមានអ្នកចូលរួមពីអ្នកពាក់ព័ន្ធជាង៣០០នាក់ ដែលភាគច្រើនគឺជាស្នងការនគរបាលរាជធានី-ខេត្ត អភិបាលខេត្តនៅទូទាំងប្រទេស រួមទាំងមន្ត្រីអគ្គនាយកដ្ឋានជំនាញជាច្រើនទៀត បន្ទាប់ពីការចាប់ខ្លួនប្រធានគណបក្សប្រឆាំងលោក កឹម សុខា មក។
បើតាមលោក ខៀវ សុភ័គ កិច្ចប្រជុំដែលធ្វើឡើងក្រោមការដឹកនាំផ្ទាល់ពីលោកឧបនាយករដ្ឋមន្រ្តី ស ខេង គឺដើម្បីក្រើនរំលឹកឲ្យកងកម្លាំងប្រដាប់អាវុធទាំងអស់មានការប្រុងប្រយ័ត្នខ្ពស់ ចំពោះចលនាផ្តួលរំលំរដ្ឋាភិបាលកម្ពុជា ដែលលោកឧបនាយករដ្ឋមន្រ្តី ស ខេង បានអះអាងថា គណបក្សប្រឆាំងនៅតែចិញ្ចឹមចិត្តដើម្បីផ្តួលរំលំរដ្ឋាភិបាលកម្ពុជា តាមរយៈការបំផុសបំផុល និងការបំភ្លៃជាដើម។ ប៉ុន្តែសម្រាប់គណបក្សប្រឆាំង និងសហគមន៍អន្តរជាតិ វិធានការរបស់អាជ្ញាធររដ្ឋាភិបាលកម្ពុជាមកលើលោក កឹម សុខា និងគណបក្សសង្រ្គោះជាតិនៅពេលនេះ គឺជាការបំបាត់សម្លេងគណបក្សប្រឆាំងនៅមុនការបោះឆ្នោតជាតិតែប៉ុណ្ណោះ៕
ក្រសួងមហាផ្ទៃប្រជុំក្រើនរំលឹកដល់មន្រ្តីក្រោមឱវាទ ឲ្យប្រុងប្រយ័ត្ន ចំពោះចលនាផ្តួលរំលំរដ្ឋាភិបាល
ReplyDelete