ប្រិយមិត្តមួយចំនួនប្រាកដជាធ្លាប់បានដឹង ហើយធ្លាប់បានឮរួចមកហើយក្នុងការនាំយកមនុស្សទៅលេងនៅឋានអាវកាស អាចនិយាយឲ្យស្រួលស្ដាប់បានថា វាគឺជាទេសចរណ៍ជំហានដំបូងរបស់ប្រវត្តិសាស្ត្រមនុស្សជាតិក្នុងការចំនាយលុយទៅលេងលើឋានអាវកាស ពិតជាល្អសម្រាប់អ្នកដែលមានប្រាក់ដើរលេងច្រើន ហើយធុញថប់នឹងការដើរលេងនៅលើភពផែនដី។ ដូច្នេះពេលវេលា ដែលមនុស្សនឹងទៅលេងនៅលើឋានអាវកាសបានជិតមកដល់ហើយ គឺនៅដើមឆ្នាំ 2019 ខាងមុខនេះ ក្រុមហ៊ុន Jeff Bezos’ Blue Origin នឹងបើកឲ្យមានសេវាកម្មទេសចរណ៍ក្ដៅគគុកមួយ គឺការនាំយកអ្នកទេសចរណ៍ ដែលមិនមែនជាអ្នកវិទ្យាសាស្ត្រអាវកាសឲ្យមានឱកាសក្នុងការទៅលេងនៅលើស្ថានអវកាស ជាមួយនឹងយាន្ត Blue Origin Rocket ដ៏ថ្មីស្រឡាងមួយ។
ជុំវិញសេវាកម្មថ្មីនេះ នាយកប្រតិបត្តិលោក Bob Smith បាននិយាយប្រកាសឲ្យពិភពលោកដឹងផងដែរថា នៅក្នុងខែមេសា ឆ្នាំ 2019 ខាងមុខ យើងនឹងចាប់ផ្ដើមបើកសេវាកម្មនេះជាផ្លូវការហើយ បន្ទាប់ពីគម្រោងនេះត្រៀមនឹងចាប់ផ្ដើមនាឆ្នាំ 2018 តែនៅមិនទាន់អាចធ្វើវាទៅបាន ដោយត្រូវពន្យាពេលមកដល់ឆ្នាំ 2019 ខាងមុខនេះ។ ជុំវិញសេវាកម្មទេសចរណ៍អាវកាសនេះ Blue Origin ពុំបានបញ្ជាក់ប្រាប់ឲ្យយើងដឹងកាន់តែលម្អិតនោះទេ ជុំវិញតម្លៃក្នុងការចំនាយ ក៏ដូចជាការទទួលខុសត្រូវ ជុំវិញការធានារ៉ាប់រងនូវការហោះឡើងលើឋានអាវកាសនេះនោះទេ មិនដឹងថាតើទេសចរណ៍នោះមានរយៈពេលប៉ុន្មានថ្ងៃ ហើយនឹងហោះហើរទៅណានោះទេ តែអាចហោះចេញពីទំនាញផែនដី ដើម្បីមើលភពផែនដីទាំងមូលច្រើនជាង។
សេវាកម្មនេះអាចនឹងបើកលក់សំបុត្រនាដើមឆ្នាំ 2019 ហើយចំនួនអ្នកទេសចរណ៍គឺមានចំនួនកំណត់ ហើយក៏ត្រូវពិនិត្យសុខភាពផងដែរ មុននឹងមានឱកាសហោះចេញពីភពផែនដីមួយនេះ។
No comments:
Post a Comment
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រក្សាសិទ្ធគ្រាប់យ៉ាងដោយ CNRP Media Team
http://www.freedomnews.club/